கொழும்பு மாநகர சபையின் 2026 ஆம் ஆண்டுக்கான வரவு செலவுத் திட்டம் இன்று (டிசம்பர் 31) இரண்டாவது வாசிப்பில் பெரும்பான்மை வாக்குகளால் நிறைவேற்றப்பட்டுள்ளது. தேசிய மக்கள் சக்தி ஆட்சி செய்யும் இந்த சபையின் வரவு செலவுத் திட்டம் 58 ஆதரவு வாக்குகளும் 56 எதிர்ப்பு வாக்குகளும் என இரண்டு வாக்குகள் பெரும்பான்மையுடன் அங்கீகரிக்கப்பட்டது.
இதற்கு முன்னர், டிசம்பர் 22 ஆம் திகதி கொழும்பு மாநகர சபையில் சமர்ப்பிக்கப்பட்ட 2026 ஆம் ஆண்டுக்கான வரவு செலவுத் திட்டத்தின் முதல் வாசிப்பு தோல்வியடைந்தது. அப்போது வரவு செலவுத் திட்டத்திற்கு எதிராக 60 வாக்குகளும், ஆதரவாக 57 வாக்குகளும் மட்டுமே கிடைத்தன.
அந்த தோல்வியைத் தொடர்ந்து, இன்று கொழும்பு மாநகர மேயர் வ்ராய் கெல்லி பால்டசார் அம்மையார் வரவு செலவுத் திட்டத்தை மீண்டும் சபையில் சமர்ப்பித்தார். இரண்டாவது தடவையாக நடைபெற்ற வாக்கெடுப்பிற்குப் பிறகு, வரவு செலவுத் திட்டம் வெற்றிகரமாக நிறைவேற்றப்பட்டது.
