අල්ලස් හෝ දූෂණ චෝදනා විමර්ශන කොමිෂන් සභාව විසින් පාර්ලිමේන්තුවේ මහ ලේකම් නීතිඥ කුෂානි රෝහණධීර මහත්මිය වෙත විශේෂ නියෝගයක් නිකුත් කර තිබේ. ඒ අනුව, පාර්ලිමේන්තු පරිපාලන දෙපාර්තමේන්තුවේ ආයතන කාර්යාංශයට අනුයුක්තව සේවය කළ ඉහළ පෙළේ නිලධාරිනියකට ලබා දී තිබූ ස්ථාන මාරුවීමක් වහාම ක්රියාත්මක වන පරිදි අත්හිටුවීමට පියවර ගෙන ඇත.
මෙම සිදුවීමට පසුබිම් වී ඇත්තේ පාර්ලිමේන්තු ප්රධානීන් විසින් මෑතකදී ගනු ලැබූ තීරණයකි. අදාළ නිලධාරිනිය ද ඇතුළත් වන පරිදි සේවකයින් නව දෙනෙකු සඳහා මෙම මස 20 වැනිදා සිට බලපැවැත්වෙන පරිදි ස්ථාන මාරුවීම් ලබා දීමට එහිදී නිර්දේශ කර තිබුණි. එම තීරණයට අනුව, මහ ලේකම්වරිය විසින් මෙම නිලධාරිනියව මහජන පෙත්සම් කාරක සභාවේ රාජකාරි සඳහා මාරු කර යැවීමට කටයුතු යොදා තිබී ඇත.
කෙසේ වෙතත්, තමන්ට ලබා දුන් මෙම ස්ථාන මාරුව සම්බන්ධයෙන් අදාළ නිලධාරිනිය විසින් අල්ලස් හෝ දූෂණ චෝදනා විමර්ශන කොමිසම වෙත පැමිණිල්ලක් හෝ ඉල්ලීමක් ඉදිරිපත් කර තිබේ. එම ඉල්ලීම සලකා බැලීමෙන් අනතුරුව ක්රියාත්මක වූ කොමිසම, පසුගිය 16 වැනිදා පාර්ලිමේන්තු මහ ලේකම්වරිය වෙත නිල වශයෙන් දැනුම් දී ඇත්තේ අදාළ ස්ථාන මාරුවීම වහාම අත්හිටුවීමට පියවර ගන්නා ලෙසයි.