சுதந்திர தின கொண்டாட்டப் புகைப்படங்களை வெளியிட்டு, ஜனாதிபதியின் ஆளுமை போதாது என்று அவதூறு பரப்பப்படுவதாக அமைச்சர் பிமல் ரத்நாயக்க பாராளுமன்றத்தில் தெரிவித்தார்.
அங்கு மேலும் கருத்து தெரிவித்த அமைச்சர், சுதந்திர தின விழாவில் எடுக்கப்பட்ட ஜனாதிபதியின் புகைப்படங்களை, எதிர்க்கட்சித் தலைவர் சஜித் பிரேமதாச மற்றும் பிறரின் புகைப்படங்களுடன் ஒப்பிட்டு, ஜனாதிபதியின் தோற்றமும் ஆளுமையும் பலவீனமானது என்று விமர்சனங்கள் முன்வைக்கப்படுவதாகக் கூறினார்.
இத்தகைய செயல்களை கடுமையாகக் கண்டித்த அமைச்சர் பிமல் ரத்நாயக்க, இந்த நாட்டின் மக்கள் வாக்குகளால் ஒரு தலைவர் தேர்ந்தெடுக்கப்பட்ட பிறகு, அவருக்கு மரியாதை செலுத்துவது அனைவரின் பொறுப்பு என்று வலியுறுத்தினார்.
மேலும், எதிர்க்கட்சித் தலைவரின் உடல் அமைப்பு அல்லது தனிப்பட்ட குணாதிசயங்கள் குறித்து தான் பேசப் போவதில்லை என்றும், அவரும் மக்கள் வாக்குகளால் தேர்ந்தெடுக்கப்பட்ட தலைவர் என்பதால் அவருக்கும் மரியாதை செலுத்துவதாகவும் அமைச்சர் மேலும் தெரிவித்தார்.