ச.ம.ச. பாராளுமன்ற உறுப்பினர் அஜித் பி. பெரேரா தொலைக்காட்சி நிகழ்ச்சி ஒன்றில் கலந்துகொண்டு தெரிவித்த கருத்துக்கள் வருமாறு:
வீட்டிலிருந்து வரும் வழியில் சமூக ஊடகங்களைப் பயன்படுத்துவதாக அன்று பாராளுமன்றத்தில் கூறப்பட்டது எனக்கு நினைவிருக்கிறது. ஒருவரிடம் உள்ள தகவல்களை சமூகத்திற்கு வழங்குவது தவறல்ல. பாராளுமன்றத்தில் பேசுவதும் தவறல்ல. இதனால் ஜனாதிபதிக்கு அழுத்தம் ஏற்பட்டால், அதைப் பற்றி நாம் செய்ய எதுவும் இல்லை. ஆனால் அந்த அழுத்தம் இல்லாமல் போனபோது என்ன நடந்தது? பதிலளிக்க பதினொரு மணி நேரம் இருந்தது. நேற்று இந்த உயிர்கள் காப்பாற்றப்படவில்லை, ஆனால் காப்பாற்றப்பட்டிருக்கலாம். அந்த உயிர்களும் உயிர்கள், இந்த உயிர்களும் உயிர்கள். அதனால்தான் ஜனாதிபதியிடம் நாம் கூறுகிறோம், நீங்கள் இந்த நாட்டின் ஜனாதிபதி. இந்த நாட்டின் மக்கள் இந்த நாட்டின் பொறுப்பை உங்களிடம் ஒப்படைத்து உங்களை நியமித்திருப்பது இதுபோன்ற சில்லறை விடயங்களைப் பின்தொடர்வதற்காக அல்ல.
எங்களுக்கும் உணர்வு இருக்கிறது. அவர்கள் எங்கள் நட்பு நாடு. எங்கள் கடலில், எங்கள் அண்டை பகுதியில், கைக்கு எட்டும் தூரத்தில் காப்பாற்ற உதவக்கூடிய நிலையில் அவர்கள் இருந்தனர். அப்படியிருக்க, அமெரிக்கா, இஸ்ரேல், ஈரான் போன்ற இந்த வல்லரசுகளுக்கு இடையே சமநிலையை ஏற்படுத்தி இராஜதந்திர வழிமுறைகளை எவ்வாறு பயன்படுத்துவது? இந்த கடைசி நிமிடத்திலாவது சரியாக செய்ய வேண்டியதை செய்வது மதிப்புமிக்கது. நாம் பாராட்ட வேண்டியதை பாராட்டுகிறோம். நாம் எதிர்க்கட்சியாக இருந்தாலும், இதைப்பற்றி பேசாமல் எப்படி இருக்க முடியும்? இந்த கப்பலில் சரியாக 208 பேர் இருக்கிறார்களா என்பதை நாம் தெரிந்து கொள்ள வேண்டும். ஆனால் 300 என்பது 208 ஆக மாறும்போது உங்களுக்கு என்ன லாபம் கிடைக்கும்?
ஆகவே, மாண்புமிகு ஜனாதிபதி அவர்களே, நான் முன்பு கூறியது போல் உங்கள் பொறுப்பை நிறைவேற்றுங்கள். அதற்காக செய்ய வேண்டிய ஒன்று இருக்கிறது.
உண்மையாகவே, மனதிலிருந்து நாங்களும் உணர்வுள்ள மனிதர்கள். இதை நம்மால் மறக்க முடியாது. நினைவில் கொள்ளுங்கள், உமா ஓயா திட்டத்தின் மூலம் இன்று இந்த நாட்டின் மின்சார அமைப்பைப் பாதுகாக்க அவர்கள் எவ்வளவு உதவுகிறார்கள்? இந்த நேரத்திலும் வடக்கிற்கு நீர் கொண்டு செல்லும் சுரங்கப்பாதைகள் ஈரானிய தொழில்நுட்பத்தால் கட்டப்படுகின்றன. இன்றும் எங்களிடம் உள்ள ஒரே சுத்திகரிப்பு நிலையத்தையும் ஈரான்தான் கட்டித் தந்தது. அவர்கள் எங்களுக்கு நட்பாக இருந்த ஒரு நாடு.
அவர்களுக்கு குறைபாடுகள் இருக்கலாம். அதேபோல், சர்வதேச அரசியலில் ஈரானின் திட்டத்தை நாம் அங்கீகரிக்க வேண்டிய அவசியம் இல்லை. ஆனால் ஈரான் மற்றும் அமெரிக்கா போன்ற நமது நட்பு நாடுகளுக்கு இடையே இந்த பிரச்சினைகள் எழுந்தபோது, நாம் பதிலளிக்க தாமதித்ததால், நமது மண்ணில் அவர்களின் உயிர்கள் இழந்தன. அப்படியிருக்க, அந்த அவமானத்தை மறைக்க நாம் இந்த குற்றச்சாட்டுகளை முன்வைப்பது சரியல்ல. அது முற்றிலும் தவறு. செய்ய வேண்டியது அதுவல்ல என்பதால்தான் நாம் இப்படி கூறினோம். இப்போது நமது நண்பர் ஒருவருக்கு ஒரு பிரச்சினை எழுந்துள்ளது.