கொட்டாவ பிரதேசத்தில் ஆயுர்வேத மசாஜ் நிலையங்கள் என கூறி நடத்தப்பட்டு வந்த மூன்று விபச்சார விடுதிகளை சுற்றிவளைத்து பதினைந்து பேரை கொட்டாவ பொலிஸார் கைது செய்துள்ளனர். இந்த சுற்றிவளைப்பின் போது, குறித்த இடங்களில் பணத்திற்காக விபச்சாரத்தில் ஈடுபட்டிருந்த பதின்மூன்று பெண் விபச்சாரிகளும், இரண்டு ஆண் விபச்சாரிகளும் பொலிஸ் காவலில் எடுக்கப்பட்டுள்ளனர்.
கைது செய்யப்பட்ட பெண்கள் 25 முதல் 35 வயதுக்குட்பட்டவர்கள் ஆவர்.அவர்கள் தெஹிவளை, இரத்தினபுரி, கலவான, காலி, பொலன்னறுவை, கலென்பிந்துனுவெவ, கெக்கிராவ, தெனியாய மற்றும் பத்தேகம ஆகிய நாட்டின் பல்வேறு பிரதேசங்களைச் சேர்ந்தவர்கள் என பொலிஸ் விசாரணைகளில் உறுதி செய்யப்பட்டுள்ளது.
இந்த சட்டவிரோத வர்த்தகம் குறித்து கொட்டாவ பொலிஸ் நிலைய பொறுப்பதிகாரி, பிரதான பொலிஸ் பரிசோதகர் ரொஷான் டி சொய்சாவுக்கு இரகசிய தகவல் கிடைத்துள்ளது. அதன்படி, நீதிமன்றத்தால் சட்டபூர்வமாக பெறப்பட்ட தேடுதல் வாரண்டின் அடிப்படையில் மஹல்வரா, பொரளை வீதி மற்றும் மாளபே வீதி ஆகிய பிரதேசங்களில் அமைந்துள்ள இந்த மூன்று நிலையங்களும் திடீர் சோதனைக்கு உட்படுத்தப்பட்டுள்ளன. அப்போது கைது செய்யப்பட்ட பெண்களில் ஒருவர் ஒரு நிலையத்தின் முகாமையாளராக செயல்பட்டுள்ளது தெரியவந்துள்ளது. மேலும், பொலிஸ் காவலில் எடுக்கப்பட்ட இரண்டு ஆண்களும் ஏனைய இரண்டு நிலையங்களின் முகாமையாளர்களாக செயல்பட்டு இந்த வர்த்தகத்தை நடத்தியுள்ளதாக பொலிஸார் தெரிவிக்கின்றனர். கைது செய்யப்பட்ட அனைத்து சந்தேக நபர்களும் கடந்த முதலாம் திகதி ஹோமாகம நீதவான் நீதிமன்றத்தில் ஆஜர்படுத்தப்படவிருந்தனர்.