பணச் சலவை தடுப்புச் சட்டத்தின் கீழ் அவருக்கு எதிராகத் தாக்கல் செய்யப்பட்ட சதி குற்றச்சாட்டைத் தொடர்ந்து முன்னெடுத்துச் செல்ல கொழும்பு மேல் நீதிமன்றம் முன்னர் வழங்கிய தீர்ப்பை சவால் செய்து இந்த மனு தாக்கல் செய்யப்பட்டுள்ளது. கொழும்பு மேல் நீதிமன்றம் வழங்கிய அந்த உத்தரவு சட்டத்திற்கு முரணானது என்று கூறும் யோஷித ராஜபக்ஷ, தனது திருத்த மனு மூலம் மேன்முறையீட்டு நீதிமன்றத்திடம் அந்த உத்தரவை முழுமையாக ரத்து செய்யுமாறு கோரியுள்ளார்.
இன்று மேன்முறையீட்டு நீதிமன்ற நீதிபதிகள் குழு சம்பந்தப்பட்ட மனுவை நீண்ட நேரம் பரிசீலித்த பின்னர், அதை விசாரணைக்கு எடுத்துக்கொள்ள முடிவு செய்துள்ளதுடன், அதன்படி மனு மீதான விசாரணை அடுத்த ஜூன் மாதம் 16 ஆம் திகதி மீண்டும் அழைக்கப்படும் என்று திகதி நிர்ணயிக்கப்பட்டுள்ளது. இந்த மனு மேன்முறையீட்டு நீதிமன்றத்தில் பரிசீலிக்கப்பட்டபோது, மனுதாரர் யோஷித ராஜபக்ஷ தனிப்பட்ட முறையில் நீதிமன்றத்தில் ஆஜராகியிருந்தமை குறிப்பிடத்தக்கது.
