தீவு முழுவதும் டெங்கு நோய் பரவல் தொடர்ந்து அதிகரித்து வருகிறது, கடந்த 24 மணி நேரத்தில் மட்டும் இந்த நோயால் 3 மரணங்கள் பதிவாகியுள்ளன. தேசிய டெங்கு கட்டுப்பாட்டுப் பிரிவு வெளியிட்ட சமீபத்திய தரவு அறிக்கைகளின்படி, இந்த ஆண்டு இதுவரை நாட்டில் பதிவாகியுள்ள மொத்த டெங்கு மரணங்களின் எண்ணிக்கை 53 ஆக உயர்ந்துள்ளது.
இந்த ஆண்டு கடந்த சில மாதங்களில் நாட்டில் பதிவாகியுள்ள மொத்த டெங்கு நோயாளிகளின் எண்ணிக்கை 75,000 என்ற எல்லையை நெருங்கி வருகிறது. அதன்படி நேற்று (17) வரை நாட்டில் அடையாளம் காணப்பட்ட மொத்த நோயாளிகளின் எண்ணிக்கை 74,478 ஆக உயர்ந்துள்ளது, இதில் 19,100 நோயாளிகள் ஜூலை மாதத்தின் கடந்த 17 நாட்களில் பதிவாகியுள்ளனர் என்பது குறிப்பிடத்தக்கது.
தற்போதைய சூழ்நிலையில், தீவில் அதிக டெங்கு நோயாளிகள் பதிவாகும் பகுதியாக மேல் மாகாணம் தொடர்ந்து உள்ளது. அதிக எண்ணிக்கையிலான நோயாளிகள் அடையாளம் காணப்பட்ட கம்பஹா மாவட்டத்தில் இதுவரை பதிவாகியுள்ள மொத்த நோயாளிகளின் எண்ணிக்கை 15,596 ஆக உயர்ந்துள்ளது.