ஹொரணை - கொழும்பு 120 பிரதான வீதியில் கோனபல சந்திக்கு அருகில் இன்று (29) அதிகாலை கொள்கலன் வாகனம் ஒன்று கவிழ்ந்ததால், அந்த வீதியின் ஒரு வழித்தடத்தில் போக்குவரத்து தடைப்பட்டுள்ளதாக மொரகஹஹேன பொலிஸார் தெரிவித்தனர்.
விபத்துக்குள்ளான கொள்கலன் வாகனம் ஹொரணை கைத்தொழில் பேட்டையிலிருந்து கொழும்பு துறைமுகம் நோக்கிச் சென்று கொண்டிருந்ததாகவும், அதிக வேகத்தைக் கட்டுப்படுத்த முடியாமல் வளைவில் திரும்ப முயன்றதே வாகனம் கவிழ்ந்ததற்குக் காரணமாக இருக்கலாம் என்றும் பொலிஸார் மேலும் தெரிவித்தனர்.
