சட்டவிரோத மதுபானம் தேடி ஒரு வீட்டை சோதனையிட்ட பொலிஸ் குழு, ஆறு வருடங்களுக்கும் மேலாக மெத்தையின் கீழ் மறைத்து வைக்கப்பட்டிருந்த ஒரு விசித்திரமான ரகசியத்தை வெளிப்படுத்த முடிந்தது. அது மக்களுக்கு விநியோகிக்கப்படவிருந்த ஆயிரத்திற்கும் மேற்பட்ட கடிதங்களின் தொகுப்பு.
ஹல்துமுல்ல சொரகுணே உப தபால் அலுவலகத்தில் பணிபுரியும் ஒரு தபால்காரரின் வீட்டில் கசிப்பு இருப்பதாக ஹல்துமுல்ல பொலிஸ் நிலைய பொறுப்பதிகாரி, பொலிஸ் பரிசோதகர் அசோக இந்துனில் ரத்நாயக்கவுக்கு தகவல் கிடைத்தது. அதன்படி, அந்த வீட்டை சோதனையிட பொலிஸ் அதிகாரிகள் குழு ஒன்று அங்கு சென்றது.
வீட்டை சோதனையிட்டபோது, வீட்டில் இருந்த மெத்தையின் கீழ் குவித்து வைக்கப்பட்டிருந்த ஒரு பெரிய கடிதத் தொகுப்பை பொலிஸார் கண்டுபிடித்தனர். அதில் மொத்தம் 2078 கடிதங்கள் இருந்ததாகவும், அவற்றில் 12 பதிவு செய்யப்பட்ட கடிதங்களும், ஏராளமான சாதாரண அஞ்சல் கடிதங்களும் இருந்ததாகவும் பொலிஸார் தெரிவித்தனர்.
சம்பவம் தொடர்பாக சந்தேகத்திற்குரிய தபால் ஊழியரை ஹல்துமுல்ல பொலிஸார் கைது செய்துள்ளனர். அவரிடம் நடத்திய விசாரணையில், இந்த தபால்காரர் ஆறு வருடங்களுக்கும் மேலாக சம்பந்தப்பட்ட கடிதங்களை விநியோகிக்காமல், தனது வீட்டில் மெத்தையின் கீழ் மறைத்து வைத்திருந்தது தெரியவந்துள்ளது.