அனர்த்த நிவாரண சேவைகளில் ஈடுபட்டிருந்த இலங்கை விமானப்படைக்குச் சொந்தமான பெல் 212 ரக ஹெலிகொப்டர் ஒன்று இன்று (30) பிற்பகல் திடீர் விபத்துக்குள்ளாகியுள்ளது. வென்னப்புவ மற்றும் லுணுவில பிரதேசங்களுக்கு இடையில் அனர்த்த மீட்பு நடவடிக்கைகளை மேற்கொண்டிருந்தபோதே இந்த விமானம் விபத்துக்குள்ளாகியுள்ளது.
கிடைக்கப்பெற்ற தகவல்களின்படி, குறித்த ஹெலிகொப்டர் லுணுவில பாலத்திற்கு அருகில் கட்டுப்பாட்டை இழந்து கிங் ஓயாவில் வீழ்ந்துள்ளது. நிலவும் மோசமான வானிலை காரணமாக வெள்ளத்தில் சிக்கியுள்ள மக்களை மீட்பதற்கும் நிவாரணம் வழங்குவதற்கும் இந்த விமானம் பயன்படுத்தப்பட்டதாக விமானப்படை வட்டாரங்கள் உறுதிப்படுத்தியுள்ளன.
விபத்து நடந்த உடனேயே, பிரதேசவாசிகளும் பாதுகாப்புப் படையினரும் இணைந்து விமானத்தில் இருந்தவர்களை மீட்பதற்காக விரைவான நடவடிக்கையை ஆரம்பித்துள்ளனர். விமானம் வீழ்ந்ததில் அதில் பயணித்த விமானப்படை வீரர்கள் காயமடைந்துள்ளதாகவும், இதுவரை இருவர் வெற்றிகரமாக மீட்கப்பட்டுள்ளதாகவும் தெரிவிக்கப்பட்டுள்ளது.
காயமடைந்தவர்களை வைத்தியசாலையில் அனுமதிப்பதற்காக பல அம்புலன்ஸ்கள் விபத்து நடந்த இடத்திற்கு வந்துள்ளதைக் காணமுடிகிறது. விமானத்தில் இருந்த ஏனையவர்களை மீட்பதற்கான நடவடிக்கைகள் தொடர்ந்து மேற்கொள்ளப்பட்டு வருகின்றனடன், குறித்த பிரதேசத்தில் பாதுகாப்புப் படையினர் மேலதிக விசாரணைகளை மேற்கொண்டு வருகின்றனர்.
சம்பந்தப்பட்ட காணொளியை இங்கே கிளிக் செய்யவும்
Tags:
Trending