ஜி.எஸ்.பி. பிளஸ் சலுகை முடிவடைந்த பின்னர் மீண்டும் இத்தேசத்திற்கு ஜி.எஸ்.பி. பிளஸ் சலுகையைப் பெறுவதற்காக உதவி வழங்குமாறு ஜனாதிபதி அநுர குமார திசாநாயக்க பிரெஞ்சு ஜனாதிபதி இம்மானுவேல் மக்ரோனிடம் சமீபத்தில் கோரிக்கை விடுத்தார்.
இந்தியாவின் புதுடெல்லியில் சமீபத்தில் நடைபெற்ற "ஏ.ஐ. இம்பாக்ட் 2026" மாநாடுகளுடன் இணைந்து ஜனாதிபதி அநுர குமார திசாநாயக்க பிரெஞ்சு ஜனாதிபதி இம்மானுவேல் மக்ரோனை சந்தித்த சந்தர்ப்பத்தில் இந்தக் கோரிக்கை விடுக்கப்பட்டுள்ளது. அப்போது இலங்கைக்கு மீண்டும் ஜி.எஸ்.பி. பிளஸ் சலுகையைப் பெறுவதற்காக பிரான்ஸ் அதிகபட்ச ஒத்துழைப்பை வழங்கும் என்று பிரெஞ்சு ஜனாதிபதி உறுதியளித்துள்ளார்.
அதேபோல், பிரான்ஸ் பல்வேறு வர்த்தக ஒப்பந்தங்கள் மூலம் இலங்கைக்கு மேலும் சலுகைகளை வழங்க எதிர்பார்ப்பதாக பிரெஞ்சு ஜனாதிபதி இம்மானுவேல் மக்ரோன் தெரிவித்துள்ளார். வரவிருக்கும் டிசம்பர் மாதத்தில் இத்தேசத்திற்கு வழங்கப்பட்டுள்ள ஜி.எஸ்.பி. பிளஸ் சலுகை முடிவடையவுள்ளதுடன், அது முடிவடைந்த பின்னர் மீண்டும் ஒருமுறை ஜி.எஸ்.பி. பிளஸ் சலுகைக்கு விண்ணப்பிக்க இலங்கை எதிர்பார்த்துள்ளது.
