முன்னாள் ஜனாதிபதி ரணில் விக்கிரமசிங்க அவர்களுக்கு ஐக்கிய இராச்சியத்தின் வோல்வர்ஹாம்டன் (Wolverhampton) பல்கலைக்கழகத்தில் இருந்து கிடைத்த அழைப்பு தொடர்பான விசாரணைக்கு அமைய, உத்தியோகபூர்வமாக தகவல்களைப் பெற்றுக்கொள்ள விண்ணப்பிக்குமாறு சட்டமா அதிபர் திணைக்களம் குற்றப் புலனாய்வுத் திணைக்களத்திற்கு (CID) அறிவுறுத்தியுள்ளது.
2002 ஆம் ஆண்டின் 25 ஆம் இலக்க குற்றச் செயல்களில் பரஸ்பர ஒத்துழைப்புச் சட்டம் அமைய இச்செயற்பாடுகளை மேற்கொள்ளுமாறு அறிவித்து, அரச சட்டத்தரணி சஜித் பண்டார அவர்களின் கையொப்பத்துடன் சம்பந்தப்பட்ட அறிவுறுத்தல் கடிதம் இரகசியப் பொலிஸாருக்கு அனுப்பப்பட்டுள்ளது.
அதன்படி, இதற்கு முன்னர் தபால் மூலம் சம்பந்தப்பட்ட பல்கலைக்கழகத்தில் இருந்து பெறப்பட்ட தகவல்களை, உத்தியோகபூர்வ நடைமுறை மூலம் மீண்டும் பெற்றுக்கொள்வதற்காக குற்றப் புலனாய்வுத் திணைக்களம் தற்போது விண்ணப்பம் ஒன்றைச் சமர்ப்பிக்க நடவடிக்கை எடுத்து வருகிறது.
இச்சம்பவம் தொடர்பான வழக்கு இந்த வாரம் கொழும்பு கோட்டை நீதவான் நீதிமன்றத்தில் விசாரணைக்கு எடுத்துக்கொள்ளப்பட்டபோது, சட்டமா அதிபர் திணைக்களத்தால் அனுப்பப்பட்ட கடிதத்தை ஆராய்ந்து அடுத்தகட்ட நடவடிக்கைகள் குறித்து நீதிமன்றத்திற்கு அறிவிக்கப்படும் என இரகசியப் பொலிஸார் தெரிவித்தனர்.
அத்துடன், சம்பந்தப்பட்ட சட்டத்தின் கீழ் மீண்டும் பெற்றுக்கொள்ளுமாறு சட்டமா அதிபர் அறிவுறுத்திய தகவல்கள் தற்போது தமது பொறுப்பில் உள்ளதாகவும் அவர்கள் நீதிமன்றத்தில் மேலும் தெரிவித்தனர்.
இது தவிர, விசாரணைக்கு உட்படுத்தப்பட்டுள்ள சம்பந்தப்பட்ட ஐக்கிய இராச்சியப் பயணம் தொடர்பாக முன்னாள் ஜனாதிபதி அம்மையார் மைத்ரீ விக்கிரமசிங்க அவர்களிடம் இருந்து பதிவு செய்யப்பட்ட வாக்குமூலம் தொடர்பான தகவல்களையும் குற்றப் புலனாய்வுத் திணைக்களம் இங்கு நீதிமன்றத்தில் சமர்ப்பித்துள்ளது.