நீர்கொழும்பு சிறைச்சாலையில் கடந்த நாட்களில் ஏற்பட்ட கடுமையான மோதலில் காயமடைந்து வைத்தியசாலையில் சிகிச்சை பெற்று வந்த மேலும் ஒரு சிறைச்சாலை அதிகாரி இன்று (07) காலை உயிரிழந்துள்ளார். நீர்கொழும்பு மாவட்ட வைத்தியசாலையில் சிகிச்சை பெற்று வந்த நிலையில் உயிரிழந்த சிறைச்சாலை அதிகாரி குறித்த தகவலை, அந்த வைத்தியசாலையின் பணிப்பாளர் விசேட வைத்தியர் புஷ்பா கம்லத்கே அம்மையார் உத்தியோகபூர்வமாக உறுதிப்படுத்தியுள்ளார்.
அதன்படி, நேற்று (06) சிறைச்சாலையில் ஏற்பட்ட வன்முறைச் சம்பவம் காரணமாக உயிரிழந்த மொத்த சிறைச்சாலை அதிகாரிகளின் எண்ணிக்கை 08 ஆக உயர்ந்துள்ளது. இந்த துயர சம்பவத்தில் இதுவரை உயிரிழந்த மொத்த நபர்களின் எண்ணிக்கை 27 ஆக உயர்ந்துள்ளதுடன், அவர்களில் 19 பேர் சிறைச்சாலையில் தடுத்து வைக்கப்பட்டிருந்த கைதிகள் என தெரிவிக்கப்பட்டுள்ளது.