கொழும்பு பிரதான நீதவான் நீதிமன்றத்தின் பிரதிவாதி கூண்டில் வைத்து ஒழுங்கமைக்கப்பட்ட குற்றவாளியான சஞ்சீவ குமார சமரரத்ன என்ற "கணேமுல்ல சஞ்சீவ" என்பவரை சுட்டுக்கொலை செய்த சம்பவத்தின் பிரதான சந்தேகநபரான இஷாரா செவ்வந்திக்கு எதிராக மேலும் 30 நாட்கள் தடுப்புக் காவல் உத்தரவு பெறப்பட்டுள்ளதாக கொழும்பு குற்றப் பிரிவு நீதிமன்றத்தில் தெரிவித்தது. இது தொடர்பாக நேற்று (13ஆம் திகதி) கொழும்பு பிரதான நீதவான் நீதிமன்றத்திற்கு அறிவிக்க நடவடிக்கை எடுக்கப்பட்டிருந்தது.
கடந்த 2025 பெப்ரவரி 19ஆம் திகதி கொழும்பு பிரதான நீதவான் நீதிமன்றத்தின் இலக்கம் 5 நீதிமன்ற அறையில் இந்த துப்பாக்கிச் சூடு சம்பவம் இடம்பெற்றதுடன், சம்பவம் தொடர்பில் தற்போது தடுப்புக் காவலில் உள்ள இஷாரா செவ்வந்தி என்ற சந்தேகநபரானவர் எதிர்வரும் ஆகஸ்ட் மாதம் 12ஆம் திகதி வரை மேலும் தடுத்து வைக்க இவ்வாறு அனுமதி கிடைத்துள்ளது. கொழும்பு குற்றப் பிரிவின் அதிகாரிகள் இந்த விடயங்களை கொழும்பு மேலதிக நீதவான் லஹிரு சில்வாவிடம் சமர்ப்பித்தனர்.
இந்த கொலைச் சம்பவம் தொடர்பில் தற்போது வெளிநாட்டில் உள்ள ஒழுங்கமைக்கப்பட்ட குற்றவாளியாக சந்தேகிக்கப்படும் சுபுன் தயாரத்ன என்ற "ஹீனட்டியான மகேஷ்" என்பவரை கைது செய்வதற்காக சர்வதேச பொலிஸ் ஊடாக சிவப்பு பிடியாணை பெறுவதற்கான நடவடிக்கைகள் மேற்கொள்ளப்பட்டுள்ளதாகவும் குற்றப் பிரிவு நீதிமன்றத்தில் தெரிவித்தது. அங்கு சமர்ப்பிக்கப்பட்ட விடயங்களை பரிசீலித்த மேலதிக நீதவான், சம்பந்தப்பட்ட விசாரணைகளின் தற்போதைய முன்னேற்றத்தை நீதிமன்றத்திற்கு அறிவிக்குமாறு கொழும்பு குற்றப் பிரிவுக்கு உத்தரவிட்டார்.