ஞாயிற்றுக்கிழமை காலை அம்பேவெல பிரதேசத்தில் ஓடிக்கொண்டிருந்த ரயிலில் இருந்து தவறி விழுந்ததில் ஒரு வெளிநாட்டு பெண் சுற்றுலாப் பயணி காயமடைந்துள்ளதாக ரயில்வே மற்றும் மருத்துவமனை வட்டாரங்கள் தெரிவிக்கின்றன. ரயிலில் பயணம் செய்து கொண்டிருந்த போது செல்ஃபி புகைப்படம் எடுக்க முயற்சித்த சந்தர்ப்பத்திலேயே அவர் இந்த விபத்தை எதிர்கொண்டார்.
நானுஓயாவில் இருந்து பதுளை நோக்கிச் சென்று கொண்டிருந்த ரயிலில் பயணித்துக் கொண்டிருந்த போது இந்த வெளிநாட்டுப் பெண் விபத்துக்குள்ளாகியுள்ளார். ரயிலில் இருந்து கீழே விழுந்து காயமடைந்த அவரை சிகிச்சைக்காக உடனடியாக நுவரெலியா மருத்துவமனையில் அனுமதிக்கப்பட்டுள்ளார்.
அழகிய மலையக ரயில் பாதையில் பயணிக்கும் பயணிகள், குறிப்பாக வெளிநாட்டு சுற்றுலாப் பயணிகள், ஓடும் ரயில்களில் இருந்து வெளியே எட்டிப் பார்ப்பதையோ அல்லது செல்ஃபி புகைப்படங்கள் எடுக்க முயற்சிப்பதையோ தவிர்க்குமாறு அதிகாரிகள் தொடர்ந்து வலியுறுத்தி வருகின்றனர். இத்தகைய கவனக்குறைவான செயல்களால் கடுமையான அல்லது ஆபத்தான விபத்துகள் ஏற்படக்கூடும் என எச்சரிக்கும் அதிகாரிகள், இந்த சம்பவம் தொடர்பான மேலதிக விசாரணைகளை தற்போது ஆரம்பித்துள்ளனர்.
