சீனாவில் நடைபெற்ற உலக மனித உருவ ரோபோ போட்டித் தொடரில், 100 மீட்டர் ஓட்டப் பந்தயத்தை 9.39 வினாடிகளில் நிறைவு செய்ய ஒரு மனித உருவ ரோபோ வெற்றி பெற்றுள்ளது. பீஜிங் மனித உருவ ரோபோ புத்தாக்க மையம் (Beijing Innovation Centre of Humanoid Robotics) உருவாக்கிய இந்த ரோபோ, 100 மீட்டர் பிரிவில் மனிதன் வைத்திருந்த உலக சாதனையை முறியடித்தது.
ஒலிம்பிக்கில் எட்டு தங்கப் பதக்கங்களை வென்ற உசைன் போல்ட், 2009 ஆம் ஆண்டில் 100 மீட்டர் ஓட்டப் பந்தயத்தை 9.58 வினாடிகளில் நிறைவு செய்து இந்த உலக சாதனையை நிலைநாட்டியிருந்தார். இந்த வெற்றியின் போது, அந்த ரோபோ மேலும் இரண்டு ரோபோக்களை தோற்கடித்தது, அதில் சீன ஸ்மார்ட்போன் தயாரிப்பாளரான 'ஹானர்' (Honor) நிறுவனம் உருவாக்கிய ரோபோவும் அடங்கும்.
பயிற்சி ஓட்டத்தில் அந்த ரோபோ 9.32 வினாடிகளில் குறிப்பிட்ட தூரத்தை கடந்தது என்று அதன் தயாரிப்பாளர்கள் தெரிவிக்கின்றனர். சனிக்கிழமை தொடங்கிய இந்த ரோபோ போட்டித் தொடரில் குத்துச்சண்டை மற்றும் கால்பந்து போட்டிகள் மட்டுமின்றி, துணி துவைப்பது போன்ற வீட்டு வேலைகளை சித்தரிக்கும் நிகழ்வுகளும் அடங்கும்.
