கடந்த சில மணிநேரங்களில் மகாவலி கங்கையின் மேல் நீர்ப்பிடிப்புப் பகுதிகளில் பெய்த குறிப்பிடத்தக்க அதிக மழை காரணமாக, அதனுடன் தொடர்புடைய தாழ்நிலப் பகுதிகளில் சிறிய வெள்ளப்பெருக்கு நிலை ஏற்படும் அபாயம் உள்ளதாக நீர்ப்பாசனத் திணைக்களம் அறிவித்துள்ளது.
குறிப்பாக, பஸ்பாகே கோரள பிரதேச செயலாளர் பிரிவுக்குட்பட்ட மகாவலி கங்கைக்கு அருகிலுள்ள தாழ்நிலப் பகுதிகளுக்கு இதனால் சிறிய வெள்ளப்பெருக்கு பாதிப்புகள் ஏற்படக்கூடும் என சம்பந்தப்பட்ட அதிகாரிகள் எச்சரித்துள்ளனர்.
இதன் காரணமாக, சம்பந்தப்பட்ட பகுதிகளில் வசிக்கும் மக்களும் அப் பகுதிகள் வழியாகச் செல்லும் வீதிகளைப் பயன்படுத்தும் சாரதிகளும் தற்போதைய நிலைமை குறித்து மிகுந்த அவதானத்துடன் செயற்பட வேண்டும்.
ஆற்றின் நீர்மட்டம் உயரும் போக்கு குறித்து குறிப்பாக மகாவலி கங்கைக்கு அருகிலுள்ள குடியிருப்பாளர்கள் தொடர்ந்து அவதானத்துடன் இருக்க வேண்டும், மேலும் ஏற்படக்கூடிய வெள்ளப்பெருக்கு நிலையிலிருந்து பாதுகாத்துக் கொள்ள தேவையான முன்னெச்சரிக்கை நடவடிக்கைகளை எடுக்குமாறும் நீர்ப்பாசனத் திணைக்களம் மக்களிடம் கேட்டுக்கொள்கிறது.