பாம்புக்கடியால் பாதிக்கப்பட்ட நோயாளிகளுக்கு சிகிச்சை அளித்து பல உயிர்களைக் காப்பாற்றிய அகலவத்தை பொல்கம்பள ரிதிவிட்ட மிகிஹின்வத்தையில் வசித்த 20 வயதுடைய சுட்டி வெத ஹாமினே (சிறு வைத்திய மாமி) திடீர் நோய்த்தாக்கம் காரணமாக கடந்த 08ஆம் திகதி அகால மரணமடைந்தார். அவர் மிகிஹின்வத்தை சமரசிங்க வைத்திய பரம்பரையின் பேத்தியாவார். திய பத்துகம விதானலாகே சந்துனி நிசான்சலா ஆவார்.
மாத்துகம சென் மேரிஸ் மகா வித்தியாலயத்தில் உயர்தரம் கற்ற சந்துனி நிசான்சலா தனது தாத்தாவான சமரசிங்க பாம்பு வைத்தியரின் சிகிச்சையின் கீழ் 6 வயது முதல் நோயாளிகளுக்கு உதவி செய்து பாம்பு வைத்தியத்தை கற்றுத் தேர்ந்தார். தாத்தாவின் மறைவுக்குப் பிறகு பாம்பு வைத்தியத்தை தனது கைகளில் எடுத்த சந்துனி பாம்புக்கடியால் பாதிக்கப்பட்டு அவ்வப்போது தனது வீட்டிற்கு அழைத்து வரப்படும் ஏராளமான நோயாளிகளைக் குணப்படுத்தி உயிர்களைக் காப்பாற்றியுள்ளார். இதன் காரணமாக அகலவத்தை பொல்கம்பள பிரதேச மக்கள் மத்தியில் அவர் சுட்டி வெத ஹாமினே (சிறு வைத்திய மாமி) என்ற பெயரில் பிரபலமடைய அதிக காலம் எடுக்கவில்லை என பிரதேசவாசிகள் தெரிவிக்கின்றனர்.
கடந்த நவம்பர் மாதத்தில் அவரது கண்ணில் ஏற்பட்ட நோய்க்கு சிகிச்சை பெற ஆரம்பித்ததையடுத்து கடந்த 08ஆம் திகதி யாருக்கும் தெரியாமல் தனது வாழ்க்கைப் பயணத்தை முடித்துக் கொண்டார். இரண்டு தசாப்தங்கள் கொண்ட மிகக் குறுகிய வாழ்க்கைப் பயணத்தில் பாம்பு விஷம் உடலுக்குள் சென்ற நூற்றுக்கணக்கான மக்களைக் குணப்படுத்திய அவர் இந்த உலகை விட்டுப் பிரிந்து சென்றது, யாருக்கும் தெரியாமல், மரணத்திற்கும் இறுதி முடிவு இல்லாமல் தான். அவரது மறைவு பெற்றோர், உறவினர்கள், நண்பர்கள் மற்றும் அவரைப் பற்றி அறிந்தவர்களுக்கு மனதை உருக வைக்கும் ஒரு நிகழ்வாக அமைந்தது.
