தீவின் தெற்கு கடற்பரப்பில் பெரும் போதைப்பொருள் தொகையுடன் கடற்படையினரால் கைப்பற்றப்பட்ட பலநாள் மீன்பிடி படகு இன்று (24) காலை திக்கோவிட்ட மீன்பிடி துறைமுகத்திற்கு கொண்டு வரப்பட்டுள்ளது. இன்று காலை 6.00 மணியளவில் படகு துறைமுகத்தை வந்தடைந்ததாக கடற்படை தெரிவித்துள்ளது. படகில் இருந்த ஐந்து சந்தேக நபர்களும் தற்போது கடற்படையினரின் பொறுப்பில் உள்ளனர்.
இந்த படகில் இருந்து மீட்கப்பட்ட போதைப்பொருள் தொகை பதினொரு பைகளில் அடைக்கப்பட்ட ஐஸ் மற்றும் ஹெரோயின் என அடையாளம் காணப்பட்டுள்ளதாக கடற்படை உறுதிப்படுத்தியுள்ளது. கடற்படை ஊடகப் பேச்சாளர் கமாண்டர் புத்திக சம்பத் நேற்று (23) தெரிவித்ததாவது, நாட்டின் தெற்கே ஆழ்கடலில் பெருமளவிலான போதைப்பொருள் தொகையை நாட்டிற்கு கடத்தி வந்த பலநாள் படகு மற்றும் அதில் இருந்த ஐந்து பேர் கைது செய்யப்பட்டனர்.
இந்தக் கைது கடற்படையினர் ஆழ்கடலில் பல நாட்கள் மேற்கொண்ட தேடுதல் நடவடிக்கையின் விளைவாகும். கடற்படை ஊடகப் பேச்சாளர் மேலும் தெரிவித்ததாவது, இந்த பலநாள் படகு போதைப்பொருள் தொகையை கொண்டு வருவதற்காக கந்தரையில் இருந்து புறப்பட்டது என்ற தகவல் வெளியாகியுள்ளது. கடற்படை வட்டாரங்களின்படி, ஈராக் கப்பலில் இருந்து சர்வதேச கடல் எல்லைக்கு கொண்டு வரப்பட்ட போதைப்பொருள் தொகை இந்த பலநாள் படகில் ஏற்றப்பட்டுள்ளது.
கைப்பற்றப்பட்ட போதைப்பொருள் தொகை மற்றும் ஐந்து சந்தேக நபர்கள் நாட்டிற்கு கொண்டு வரப்பட்ட பின்னர், மேலதிக விசாரணைகளுக்காக பொலிஸ் போதைப்பொருள் தடுப்புப் பிரிவிடம் ஒப்படைக்கப்படவுள்ளதாக கடற்படை மேலும் தெரிவித்துள்ளது.