கோட்டை ஸ்ரீ கல்யாணி சாமக்ரி தர்ம மகா சங்க சபையின் அனுநாயக்கரும், பேராசிரியர் பூஜ்ய கோட்டபிட்டிய ராகுல நாயக்க தேரரும், பாராளுமன்ற உறுப்பினர் நிலந்தி கொட்டாஹச்சி மற்றும் பாணந்துறை நகர மேயர் ஹேமகுமார பெரேரா ஆகியோரை கண்டித்ததாக தெரிவிக்கப்பட்டுள்ளது
அங்கு அவர் குறிப்பிடுகையில், தான் ஒலிவாங்கியை எடுத்தபோது நகர மேயரும், பாராளுமன்ற உறுப்பினரும் நிகழ்வு அரங்கிலிருந்து வெளியேறிவிட்டனர் என்றார்.
இந்த சம்பவம் நேற்று (15) பாணந்துறை கல்போட ஸ்ரீ மகா விகாரையில் நடைபெற்ற, கல்யாணி சாமக்ரி தர்ம மகா சங்க சபையின் செயற்குழு உறுப்பினர் பூஜ்ய பொத்துபிட்டிய பஞ்ஞாசேகர தேரருக்கு கௌரவம் செலுத்தும் நிகழ்வில் பதிவாகியுள்ளது.
பூஜ்ய கோட்டபிட்டிய ராகுல நாயக்க தேரர் மேலும் குற்றம் சாட்டுகையில், இதுவரை தனது தலைமை தேரரை சந்திக்க ஜனாதிபதி அநுர குமார திசாநாயக்க வரவில்லை என்றார்.
பிக்குகள் என்ன சொன்னாலும், அதைக் கேட்கும் ஆளுமை அரசியல்வாதிகளுக்கு இருக்க வேண்டும் என்று ராகுல தேரர் அங்கு வலியுறுத்தினார்.
இந்த நிகழ்வில் பாராளுமன்ற உறுப்பினர் நாமல் ராஜபக்ஷ, தேசிய மக்கள் சக்தியின் பாராளுமன்ற உறுப்பினர் சந்திம ஹெட்டியாராச்சி, முன்னாள் சபாநாயகர் கரு ஜயசூரிய, முன்னாள் அமைச்சர் ராஜித சேனாரத்ன, முன்னாள் பாராளுமன்ற உறுப்பினர் சஞ்சீவ எதிரிமான்ன உள்ளிட்ட பல அரசியல் பிரதிநிதிகள் கலந்துகொண்டதாக தெரிவிக்கப்பட்டுள்ளது.