ரம்புக்கனவில் நிலச்சரிவு

 ரம்புக்கன, கங்கேகும்புர பிரதேசத்தில் திடீர் நிலச்சரிவு சம்பவம் ஒன்று பதிவாகியுள்ளதுடன், அப்பகுதியில் மண்மேடுகள் சரிந்து விழும் அபாயம் உள்ளதாகவும் தெரியவந்துள்ளது. இன்று முற்பகல் வேளையில் இந்த அனர்த்த நிலைமை தொடர்பான தகவல்கள் பதிவாகியுள்ளன.

இந்த நிலச்சரிவு ஏற்பட்ட பகுதி ஊடாக பயணிக்கும் நபர்களும் சாரதிகளும் இது குறித்து மிகுந்த அவதானத்துடன் இருக்க வேண்டும் என சம்பந்தப்பட்ட தரப்பினர் அறிவித்துள்ளனர். குறிப்பாக, வீதியை பயன்படுத்தும் போதும் அல்லது அந்த இடத்திற்கு அருகில் பயணிக்கும் போதும் ஏற்படக்கூடிய விபத்துக்களை தவிர்ப்பதற்காக மிகவும் அவதானமாகவும் எச்சரிக்கையாகவும் செயற்படுமாறு அந்த வீதியை பயன்படுத்தும் மக்களிடம் கோரப்பட்டுள்ளது.