இரவு 8.30 மணியளவில் இடம்பெற்ற இந்த துப்பாக்கிச் சூட்டில் காயமடைந்தவர் களுபோவில, போதியாவத்த பிரதேசத்தைச் சேர்ந்த 25 வயதுடைய இளைஞர் ஆவார்.
துப்பாக்கிச் சூட்டில் காயமடைந்த அவர் தற்போது களுபோவில போதனா வைத்தியசாலையில் அனுமதிக்கப்பட்டு சிகிச்சை பெற்று வருவதாக வைத்தியசாலை பேச்சாளர் ஒருவர் உறுதிப்படுத்தினார்.
சம்பவம் தொடர்பில் மேற்கொள்ளப்பட்ட ஆரம்பகட்ட விசாரணைகளில், துப்பாக்கிச் சூட்டுக்கு இலக்கானவர், தற்போது வெளிநாட்டில் தலைமறைவாக உள்ள போதைப்பொருள் கடத்தல்காரரான 'அவிஷ்கா' என்பவருடன் நெருங்கிய தொடர்பைப் பேணி வந்தவர் என்பது தெரியவந்துள்ளது. இந்த பாதாள உலகத் தொடர்பு காரணமாக ஏற்பட்ட தகராறே இந்த தாக்குதலுக்குக் காரணமாக இருக்கலாம் என பொலிஸார் சந்தேகிக்கின்றனர்.
இந்த சம்பவத்தைத் தொடர்ந்து உடனடியாகச் செயற்பட்ட பாதுகாப்புப் பிரிவினர், சந்தேகநபர்களைக் கைது செய்வதற்காக களனிப் பாலம் வரையிலான பகுதிகளை உள்ளடக்கிய வகையில் கொழும்பு நகரில் மேலதிக பொலிஸ் உத்தியோகத்தர்களை நியமித்து பாதுகாப்பை பலப்படுத்தியுள்ளனர். தப்பிச் சென்ற சந்தேகநபர்களைத் தேடி கொஹுவல பொலிஸாரும் கல்கிசைப் பிரிவுக் குற்றப் புலனாய்வுப் பிரிவினரும் விசேட விசாரணைகளை ஆரம்பித்துள்ளனர்.
சம்பவம் தொடர்பான CCTV காட்சிகள் இங்கே கிளிக் செய்யவும்
