பாதிக்கப்பட்டவர்கள் தங்கள் வீடுகளுக்குத் திரும்ப வேண்டும் என்றால், அந்தப் பகுதிகளில் பாதுகாப்பு உறுதிப்படுத்தப்பட்ட பின்னரே செல்ல வேண்டும் என்று தேசிய கட்டிட ஆராய்ச்சி நிறுவனம் மக்களுக்கு வலியுறுத்தியுள்ளது. சம்பந்தப்பட்ட மாவட்ட அலுவலக அதிகாரிகள் வந்து கள ஆய்வு நடத்தி, முடிவுகளை வழங்கும் வரை பொறுமையுடன் பாதுகாப்பான இடங்களில் தங்கியிருக்குமாறு அந்த அமைப்பின் சிரேஷ்ட விஞ்ஞானி கலாநிதி வசந்த சேனாதி ர வேண்டுகோள் விடுத்துள்ளார்.
கனமழை காரணமாக மண் அடுக்குகள் நீரால் நிறைந்துள்ளதால், அடுத்த சில நாட்களிலும் மண்சரிவுகள், பாறைகள் உருளுதல் மற்றும் மண்மேடுகள் சரிந்து விழும் அதிக ஆபத்து உள்ளது. இதன் காரணமாக, ஏழு மாவட்டங்களுக்குட்பட்ட எழுபது பிரதேச செயலாளர் பிரிவுகளுக்கு விடுக்கப்பட்டிருந்த மண்சரிவு முன்னெச்சரிக்கை மற்றும் வெளியேற்றத்திற்கான சிவப்பு அறிவிப்புகள் மேலும் நீடிக்கப்பட்டுள்ளன.
ஏதேனும் அசாதாரண சத்தங்கள் நிலத்தினுள் இருந்து கேட்டாலோ அல்லது நீர் ஊற்றுகள் திடீரென தோன்றினாலோ அல்லது மறைந்தாலோ, உடனடியாக அந்த இடங்களை விட்டு வெளியேற வேண்டும் என்று சேனாதி ர சுட்டிக்காட்டினார். வெள்ள அபாயமும் இன்னும் முழுமையாக நீங்காததால், மக்கள் தொடர்ந்து விழிப்புடன் இருப்பது மிகவும் முக்கியம்.
இதற்கிடையில், அம்பாறை, அனுராதபுரம், பொலன்னறுவை, புத்தளம், கம்பஹா மற்றும் பதுளை மாவட்டங்களில் பல வீதிகள் இன்னும் வெள்ளத்தில் மூழ்கியுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.
Tags:
News