புத்தாண்டு பிறப்புடன், முன்னாள் ஜனாதிபதி ரணில் விக்கிரமசிங்க, எதிர்க்கட்சித் தலைவர் சஜித் பிரேமதாசவுக்கு தொலைபேசி அழைப்பு விடுத்து வாழ்த்து தெரிவித்தார்.
அங்கு, ரணில் விக்கிரமசிங்கவுக்கும் சஜித் பிரேமதாச தனது அன்பான வாழ்த்துக்களைத் தெரிவித்ததுடன், எதிர்கால வேலைத்திட்டம் குறித்தும் கலந்துரையாடியுள்ளார். இந்தப் புத்தாண்டு வாழ்த்து ஒரு புதிய தொடக்கமாக அமையும் என அரசியல் விமர்சகர்கள் தெரிவிக்கின்றனர். ஐக்கிய தேசியக் கட்சியின் தலைவர்களுக்கும், சஜித் பிரேமதாச தலைமையிலான ஐக்கிய மக்கள் சக்தியின் தலைவருக்கும், எதிர்க்கட்சித் தலைவருக்கும் இடையில் கடந்த 30ஆம் திகதி விசேட சந்திப்பொன்று இடம்பெற்றது. ஐக்கிய தேசியக் கட்சியின் பிரதித் தலைவர் ருவன் விஜேவர்தன, உப தலைவர் அகில விராஜ் காரியவசம் மற்றும் ஐக்கிய தேசியக் கட்சியின் முன்னாள் தேசிய அமைப்பாளர் நவீன் திசாநாயக்க ஆகியோர் இக்கலந்துரையாடலில் கலந்துகொண்டனர்.
இந்த சந்திப்பில் நடந்த பேச்சுவார்த்தை குறித்து ஐக்கிய தேசியக் கட்சியின் நான்கு சிரேஷ்ட தலைவர்கள் நேற்று ஐக்கிய தேசியக் கட்சியின் தலைவர் ரணிலை சந்தித்து விளக்கமளித்துள்ளனர்.